Jowai, K’lyngkot 31
Haduh 4 tylli ki kali ki la julor hadien ba ka bos kamai kaba don ïa u nombor M-10-C-9012 ka la tyllun shadien ha surok Ïawmusiang kaba khapngiah na ka jingwan thep kyrteng ki kyrtong ïakhun MDC sha ka Jaiñtia Hills Autonomous District Council (JHADC).
Kane ka la jia ha ka por shiteng sngi ha kaba kynsan-kynsan u nongñiah jong ka bos u la hiar na ka kali ban shan jam, pynban ha kum kane ka por ka bos ka la tyllun shadien bad ïa tyngkhuh bad ka taksi kamai na shadien.
Ha kane ka jingjia ym don mano-mano ba mynsaw lait noh ka jingjulor ki kali kiba bud nadien.
