Shillong, Rymphang 11
Ka lympung ïalehkai phutbol ba heh duh ha Ri Bhoi ba la pynïaid da ka Shlem Saiñdur ka la jam sha ka quarter final bad ka khusnam ha kane ka lympung ka long T. 8 lak.
Ki kynhun kiba la lah ban pynthikna ban jam sha ka quarter final ki long ka Laitkor SC, Benris FC, Ri Bhoi United FC, Assam Rifles FT, Sumer, YBFC Shella SC, Blue Bombers bad ka Laitkyrhong SC.
Ka jingïakhun quarter kaba nyngkong kan long ha ka 12 tarik hapdeng ka Laitkor pyrshah ïa ka Benris ha ka por 1:30 mynsngi ha madan Bhoirymbong, Sohraman.
