Shillong, Rymphang 11
Ka Lagaan 2.0 bad ka Sanmer ki la jam sha ka final ha ka lympung ïalehkai Third Division Shillong Cricket League 2024-25 ba la pynïaid da ka Shillong Cricket Association ha ka Sngi Ba-ar.
Ha kane ka jingïakhun semi final kaba nyngkong kaba la long ha madan Urkaliar, Shillong, ka Lagaan ka la lah ban pynliem noh ïa ka Inningstar XI da 3 wiket. Ka Inningstar ka la kam trai ban tied nyngkong ha kaba ka la ïoh 110 run bad shah pynhap 10 wiket ha ki 16.4 over. U Faruq Hussain u la tied 49 run na ki 35 bol. Katba u Gautam Kumar u la shim 5 wiket bad 3 wiket da u Rohit Kr Rai.
Haba wan shimti ïa ka pali kaba ar, ka Lagaan 2.0 ka la lah ban kynjoh sha ka thong da kaba ïoh 111 run bad shah pynkhyllem 7 wiket ha ki 16.4 over. U Adit Kumar u la tied 36 run na ki 37 bol bad u Rohit Kr Rai u la ïoh 32 run na ki 28 bol. Katba u Sumit Narzary u la shim 3 wiket bad 2 wiket da u Willo R Marak. Ïa ka nam ‘Player of the Match’ la ïohpdiang da u Gautam Kumar.
Haba phai sha kawei pat ka jingïakhun kaba ar, ka Sanmer ka la jop da 4 wwiket ïa ka Momentum. Ka Momentum kaba la shimti shwa ban tied nyngkong ka la ïoh 198 run bad shah pynhap 8 wiket ha ki 20 over. U Pritam Singh u la khyrwit ïa ka shiteng spah run kaba 80 na ki 50 bol bad u Donlang Warjri u la ïoh 60 run na ki 27 bol. Katba u Wabdor Shadab u la shim 2 wiket bad ïa ka shi wiket da u Kirin.
Haba wan shimti ïa ka pali kaba ar, ka Sanmer ka la lah ban kynjoh sha ka thong da kaba ïoh 201 run bad shah pynkhyllem 6 wiket ha ki 19.2 over. U Kirin u la tied 69 run na ki 37 bol bad u Elton Kharmuti u la ïoh 35 run na ki 18 bol. Katba u Jied Lyngdoh Nongpuir u la shim 3 wiket bad ïa ka shi wiket da u Ganesh. Ïa ka nam ‘Player of the Match’ la ïohpdiang da u Kirin.
