Shillong, Ïaïong 21
Ha kawei ka jingjia, la kynnoh ba uwei u briew hadien ba u la dep ban thied masi, u la phet krad shi syndon khlem da siew ïa ka pisa sha u nongdie.
Katkum ka khubor na ki pulit la ong ba uwei u nongshong shnong ka East Khasi Hills u la ai ka jingujor sha ki pulit ba ha ka 16 tarik mynta u bnai, uwei u briew bym lah ban ithuh, u la thied haduh lai tylli ki masi ha ka dor kaba long T.1.5 lak na une u nongujor bad pyntip ruh sha u, ba ïa ka jingsiew pisa yn sa aiti hadien ba la pynpoi ïa ki masi ha Madanrting, Shillong. Hynrei la ong ba ynda la poi ha Madanrting, Shillong, ïa kine ki masi la thep pat ha kawei ka kali bad ruh ba utei u nongthied bym ithuh kyrteng, u la phet krad na katei ka jaka khlem da siew satia ïa ka pisa.
Ha kaba ïadei bad kane, na ka liang jong ki pulit ki dang pynlong ïa ka jingtohkit ban lap ïa ki jingshisha baroh bad ruh ban lap dien ïa utei u briew.
