Shillong, Ïaïong 23
Uwei u samla uba dang 25 snem ka rta, u la mynsaw hadien ba u la kum bakla siat ïalade da ka suloi shna hi, kaba la jia ha ka shnong Umjong ha Ri-Bhoi District.
Katkum ka khubor na ki pulit la ong ba kane ka jingjia ka la jia ha ka 21 tarik mynta u bnai, ha kaba une u samla uba la tip kyrteng kum u Augustine Lapang na Panikanti, Kamrup, Assam, u la kum bakla bad siat hi ïalade da ka suloi kaba u la shna hi. Ha kane ka jingjia, une u samla u la mynsaw bad la pynkit noh mar-mar sha Bethany Hospital, Nongpoh na ka bynta ban pynïoh ïa ka jingsumar kaba kloi.
