Nongpoh, Naitung 14
Kawei ka kali Bolero kaba la pynher sted da u nongñiah, ka la kylla hapdeng ka surokbah National Highway-6 bad ka la wanrah ïa ka jingjulor jong kane ka kali bad ruh ka jingpynthut ïa ka leit ka wan.
Katkum ka khubor la ong ba kane ka la jia ha ka por kumba 9 baje eiei mynstep ha ki bynta jong ka surokbah ha ka thaiñ Sohbhala, kaba dang hap hapoh ka jingkhmih ka thanat Umsning ha Ri-Bhoi District.
Katkum ka jingïathuh da kiba la sakhi ïa katei ka jingjia la ong, ba katei ka kali Mahindra Bolero kaba don ïa u registration number AS01-EH-2052, kaba la shong da ki kynthei ka la kylla khongpong hapdeng surok bah hadien ba u nongñiah jong ka kali um shym la lah shuh ban tehlakam ïa ka kali namar ka jingpynher sted palat ïa ka kali bad la suba jur ba kiba shong ha kane ka kali ki don hapdeng ka jingshoh khawiang.
Na ka liang ki pulit ka thanat Umsning tang mar ïa ïoh jingtip halor katei ka jingjia ki la leit mar-mar sha katei ka jaka ban pynlong ïa ka jingtohkit bad ban tan noh ïa ka kali sha thanat.
Dang ha ka Sngi U Blei, la sakhi ïa ka jingñiah bad pynher palat pud ïa ki kali saw shaka bad arshaka ha katei ka surokbah bad ha kaba ki pulit ruh ki la maham tyngeh hynrei imat na ka liang ki nongñiah kali, kim peiphang pynban ban muja beit ban pynher ïa la ki kali, da kaba buh jingma ruh ïa kiwei ki nongleit nongwan.
