Shillong, Lber 02
Ka Kong Aibandaplin Lyngdoh Nonglait, MDC ka Mylliem Konsti-twensi ha ka 02 tarik u Lber 2026, ka la plie ïa ka surok ïaid kjat jong ka skul St.Peter Higher Secondary School Rang-bihbih Pomlakrai kaba dei lyngba na ka skhim MDC.
Hashuwa ban khap ïa u ribon kum ka dak ban plie ïa ka tei ka surok ïaid kjat la ïoh ïa ka jingkren shikyntien arkyntien na ka MDC.
Haba ai jingkren ka Kong Aibandaplin ka la ong ba kane ka lynti ïaid kjat kam dei ba ai maka na ka pla lade hynrei ka dei tang ka kamram ban pynïoh lyngba ka skhim MDC.
Ka la ong ruh ba watla kam pat don bun ki lad ki lynti haba ïa dei bad ka pisa ka tyngka bad kane ka dang dei kaba rit hynrei ai ba kane kaba rit kan long kaba kyrkhu ïa ka skul baroh kawei.
“Nga ainguh eh nyngkong ïa u Blei uba la ïalam lynti ïa nga bad sha ki paidbah nongkyrshan baroh kiba la shaniah bad aiti ïa kane ka kam ha ka kti jong nga, ba ngan leh ei-ei na ka bynta kane ka Konstitwensi bad ka jaitbynriew baroh kawei,’ ka la ong.
Ka la ong ruh ba kane ka dei ka skhim kaba rit hynrei ka dei na ka bynta ka jingdonkam jong kane ka skul, namarkata ka la ong “Kane kadei ruh ka jingangnud jong ngi ban ïohi ba ki jaka pule puthi kin long kiba bit kiba biang. Kumba ngi kwah shisha ban kyntiew ha ka liang ka pule puthi.”
“Hooid ngim pat don bun ki lad ki lynti haba ïadei bad ka pisa hynrei nga ainguh ïa u Blei ba u la pynlah ba ka kam kaba rit kan long pat ka jingkyrkhu ïa kane ka skul,” la bynrap ka Kong Aibandaplin.
“Nga ngeit skhem ruh ba kane ka lynti ïaid kan long kaba plie lad plie lynti na bynta ka skul bad khamtam eh na bynta ki khynnah kiba long ka lawei ha ka pule puthi ban ai ka jingshakri kaba bha tam,” la ong shuh shuh ka Kong Aibandaplin.
