Shillong, Nohprah 12
Ka kynhun jong ki nongñiah taxi ha Nongmynsong kaba la tip kum ka Nongmynsong Taxi Driver Association ryngkat ka jingïatreilang bad ka shnong Nongmynsong ha ka 12 tarik Nohprah 2025 ka la pynlong ïa ka jingpynkhuid shnong.
Ki nongñiah taxi ha Nongmynsong ki la pynkhuid ruh ïa ka jaka ïeng kali kaba ki ju kamai man ka sngi, nangta ka shnong ruh ka la pynitynnad bad pynkhuid da kaba ai rong ai rup ïa ki lynti ki syngkien.
Haba ïakren bad u General Secretary ka Nongmynsong Taxi Driver Association u Bah Wilson Wahlang u la kyrpad ïa ki paidbah kiba ïaid ba ïeng na ka shnong bad kiba wan ïew wan hat ha ka ïew Nongmynsong ba kin ym leh jaboh hynrei ban bret ïa ki jaboh ha ka jaka bret ñuit.
Kumjuh ruh ki la kyrpad ïa ki draibar kiba kamai ha Nongmynsong bad ki bym dei kiba na ka shnong ba haba ki ïaid lynti na Nongmynsong kim dei ban bret jaboh pathar ha ki surok hynrei ban pynlang ïa ki jaboh ha ki kali jong ki bad sa bret ha kaja bret ñuit.
