Khliehriat, K’Lyngkot 12
Ki pulit ki la ïoh ban kurup noh ïa kawei ka kali Bolero Pick-up kaba dei na ka jylla Mizoram kaba don ïa u Registration No: MZ01-M-7890 kaba la shah tuh naduh ka 30 tarik Nohprah, 2025.
Ka khubor pulit ka ïathuh ba la register case halor kane ka jingshah tuh ha Vaivakawn Police Station Aizawl, Mizoram.
Hadien ka jingtohkit bniah la ïoh jingtip ba kane ka kali ka la don mynta ha Khliehriat, East Jaiñtia Hills District, bad ba la thied da u briew uba la tip kyrteng kum u Salanki Suja uba dei na ka shnong Thluh, EJH.
Ka jingkurup ki pulit ïa kane ka kali Bolero pick-up ka dei hadien ba u la tyrwa die ïa ka ha Facebook Page kaba la ai kyrteng ‘Group ïadie bad thied kali’.
Hadien ba la ïoh ban kurup, ki pulit ka Jylla ki la aiti noh ïa kane ka kali sha ki bor pulit ka Mizoram ha ka step 12 tarik Kyllalyngkot.
Na ka liang ki pulit ka District ki la kyntu ïa ki paidbah ba kim dei ban thied kali khlem da ïoh NOC na ka tnad pulit namar ka jingthied ïa ki mar tuh ka dei ka kam runar katkum ka kyndon 317 BNS.
