Shillong, Lber 23
Ka ophis treikam jong u Superintendent of Police ka East Khasi Hills District, ha ka 23 tarik u Lber, 2026, ka la phah da ka ‘Alert Notice’ sha baroh ki Police Station kiba don ha kylleng ka District ban kem ïa u snar nongtuh uba donkti ha kiba bun tylli ki kam tuh kam thiem.
Katkum ka jingpynbna, la ong ba u wei u briew uba la ithuh kyrteng kum u Cornalius Mukhim, ïa uba la tip ruh kum u Bryan uba shong ba sah ha Mawlai Mawroh, u dei uba la don mukotduma ha ki Police Station bapher bapher haba ïadei bad ka kam tuh kali bad uba dang phet rieh mynta na ka kti ki pulit.
Na ka liang ka ophis treikam u SP ka la hukum ïa baroh ki Police Station ban pynlong ka jingwad kaba bniah ïa une u briew bad lada lap kin hap ban aiti ha katei ka ophis treikam ban leh ïa kaba donkam.
Ïa u ne u briew la register case ha Laitumkhrah PS Case No. 29/2026 U/S 305(b)/3(5) BNS, nangta ha Rynjah PS Case No. 66(03)2026 U/S 305(b) BNS, ha Sadar PS Case No. 101(03)2026U/S 305(b) BNS, Sadar PS Case No. 75(03)2026U/S 2026 U/S 305(b) BNS bad ha Sadar PS case No. 78(03)2026 U/S 305(b) BNS.
