Shillong, Risaw 27
Hadien ba la ïoh jingtip bad ka jingïoh pdiang ïa ki jingujor na ki paidbah, u MDC ka Jaiaw Konstitwensi, u Bah Denzil Kara Chen u la leit mih hi dalade sha ka jaka kaba kylla ka trok kit dewïong kaba don ha surok Guwahati Shil-long, Jaiaw Langsning.
Haba leit ban jurip ha katei ka jaka, kaba u la lap ba la dap da u dewïong, ka trok kaba kylla kam don shuh, ka la pynlong ïa u MDC ban leit kynduh ïa ki pulit ophisar ba dei khmih ha Lumdiengjri Police Sta-tion, ban wad jingtip halor katei ka kam.
Hadien ka jingleit kynduh ïa ki pulit ka Lumdiengjri Police Station, u Bah Denzil u la ong ba u la leit ban wad jingtip na ki pulit, la u dewïong u dei ne-em uba long beaiñ ne kaba don challan bad kumjuh ruh halor u trai jong u dewïong.
U la ïathuh ba na ka liang ki pulit kim pat don jingtip ei-ei halor kata.
Ha kawei ka liang, haba wad jingtip halor u registration number jong ka trok kaba dei ka trok 16 taiar, la lah ban ïoh lum jingtip kata lyngba ka jingïoh ïa ka dur, kaba u nombor kali u dei AS 26 AC 1244.
U la pyntip ba wat u nongñiah jong katei ka trok ruh u la phet noh mar shu jia katei ka jingkylla lyndang ba surok.
“Shu donbok ba ym shym la don mano-mano ba mynsaw halor kane ka jingjia,” u la bynrap.
Namarkata, u Bah Denzil u la kyntu ïa ki nongñiah kali ba kin sngewbha ban da phikir bha ha ka leit ka wan jong ki.
Haba nga la kylli, ki pulit ki la ïathuh ba kin sa ai da ka Suo Moto FIR halor kane ka jingjia bad ban pynlong da ka jingtohkit kaba bniah, u la ïathuh.
