Shillong, Ïaïong 03
Ha ka nohphai sngi jong ka 02 tarik u Ïaïong 2026, kawei ka dukan die sha kaba don ha Motphran, kaba la tip kyrteng ka Shaunak sweet and snacks, ka la kem ding kynsan-kynsan.
Ha kane ka jingpluh ding kynsan bun ki tiar ki la ingkhong lut khait.
U nongpeit jong katei ka dukan, u Gautam Pathak, u la pyntip ba namar ka jingbym don tyndong Commercial LPG ban shet jingshet, kumta ki la pyndonkam ban shet jingshet da ka diesel.
Hynrei ha mar ba plie ïa ka stove, ka ding ka khlaiñ kynsan bad pyning ïa ka stove baroh kawei lem ki tiar ki tar.
U la ong ba ha katei ka por ki don katto-katne ngut ki briew kiba wan bam ha dukan, bad mar kumta ki la ïa mareh lut shabar, katba na ka liang ki nongtrei ki la ïakhun hi ban pynlip ïa ka ding.
Hadien katto-katne por la wan poi sa ka kali pynlip ding bad kumta la lah ban tem ïa ka ding bad la ïoh jingtip ba na kane ka jingjia ym shym la don mano-mano ruh kiba mynsaw.
