Shillong, Iaïong 03
Ki nongtih par dewïong ha Meghalaya ki la pynkhreh ban pynlong ïa ka rally ha ka 07 tarik u Iaïong 2026 ban pynbor ïa ka Sorkar Jylla bad ka Sorkar Pdeng ba kan thaw ïa ka scientific mining policy kaba ïahap kat kum ka riti bar khyndew bapher bapher ka thaiñ bad ka rukom long ki jaka.
“Ngi kwah ïa ka Sorkar Jylla ba kan ïakren bad ka Sorkar pdeng ba kan pyntreikam ïa ka scientific mining ka ban ïahap bad ka rukom leh ki briew jong ngi,ong u President ka Jaiñtia Coal Miners & Dealewrs Association u Bah Borrin Shadap haba kren sha ki lad pathai khubor ha ka sngi Palei jong ka taïew”
“Ka jingwan noh ka Iïngkashari Supreme Courts ïa ka jingkhang tih dewïong ka dei ka sienjam kaba ngi pdiang, kaba pynskhem ïa ka hok jon gngi kum ki rai trai jaka hapoh ka Sixth Schedule.” U la ong
U dkhot ka seng u Bah Sambormi Lyngdoh u la pynpaw halor ka jingngewkhia ba ïadei bad ka mariang bad ki jingeh kiba ïatyngkhuh ha ka jingtih par da ka open cast ha ri lum Jaiñtia.
“Ka jingtih par open cast kam ïahap satia hangne, ngi donkam ïa ka policy kaba pyrkhat lang ïa ka rukom long ki jaka bad ka jinglong trai jaka,,” la ong u Bah Sambormi.
Ka rally ka thmu ban kyrpad ïa ka Sorkar Jylla ba kan thung ïa ka Committee ban leh sorjamin ïa ka rukom long ki jaka bad ba n shna ïa ka policy kaba shimkhia ïa ka jingsngewkhia ki nongtih dewïong jong ki pat barit b aria.
“Ngi donkam ïa ka policy kab treikam na ka bynta jon gngi, ym kaba pyrshah ïa ngi,” la ban jur u Bah Sambormi
Ka seng ka la khot sngewbha ïa baroh ki kynhunm kynthup ki nongtih dewïong, ki nongñiah trok bad ki nongbylla ba kin ïasnohktilang ha ka ne ka rally.
“ngi kwah ban pyni ba ngi la kut jingmut shisha ban tih par da ka jingkitkhlieh, ym shuh da ka jingtig ba long beaiñ,” ong u Bah Sambormi haba bynrap “Ka por ka la dei ba ka Sorkar kan pynbeit ïa ki jingeh jong ngi”.
