Shillong, Ïaïong 03
Ka East Jaiñtia Taxi’s Owner & Driver Association ka la ïakynduh ïa u Deputy Commissioner ka East Jaiñtia Hills District ban pynsngew ïa ki jingeh ki nongñiah taxi bad kali kamai namar ka jingbun palat ki kali shimet kiba kamai ha Khliehriat, Lad Sutnga, Rymbai Road, Lad Sohkymphor bad thaiñ Lad Rymbai.
Nalor kane, ka Association ka la ong ba kine ki kali kim don ïa ki kot ki sla kiba biang kum ka Permit, Fitness Certificate lane ki commercial registration kumba la buh da ka Motor Vehicle Act, 1988.
Shuh shuh ka Association ka la ïakren ruh halor ka bai shong kali ki nongleit nongwan kaba la donkam ban kyntiew noh ïa ka.
U Bah Shining Siangshai, President ka Association u la ïathuh ba na ka liang u Deputy Commissioner u la ong ba yn pynlong ka jingkhynra ha ki taïew ban wan.
