Shillong, Ïaïong 15
Ki Pulit ka Jylla ki dang ap ïa ka kaiphod jong ka post mortem halor ka jingïap jong u khynnah skul, uba dang 16 snem ba pule klas X, ha kaba ïa ka met jong u, la lap na Jingkieng Umpling.
Haba kren halor ka jingtohkit ïa kane ka jingïap ba dang shen, u Superintendent of Police ka East Khasi Hills Bah Vivek Syiem ha ka sngi Balang u la ïathuh ba ki jingshem na ki jingtohkit ba sdang kim shym la kdew satia sha ka jingshah pynïap.
“Ka jingtohkit halor jong ka, naba haduh mynta ngim pat ïoh pdiang ïa ka kaiphod jong ka post-mortem. Ïa mynta kam paw satia ka dei ka kam shah pynïap hynrei ngi dang ap ïa ka kaiphod post mortem. Kiei kiei baroh kin sa shai hadien ba ïoh ïa ka kaiphod bad kiwei ki jingtohkit ba hap leh,” u la ong.
