Nongpoh, Ïaïong 15
Uwei u rangbah u la shah kem noh ha ki pulit ka Ri Bhoi District halor ka jingkynnoh donkti ban leh be-i-jot bunsien ïa la ka khun trai kaba dang 9 snem ka rta ha kawei ka shnong kaba hap hapoh ka District la kumba shisnem lynter eiei.
Katkum ka tyllong khubor ba la ïoh lum, la ïathuh ba katei ka jingjia kala paw pyrthei hadien ba ki bahaïing hasem ki la ïoh sngew ïa ka jingkren khana jong ki briew halor ka jingkynnoh leh beiñ jong u kpa ïa katei ka heprit kaba pynlong ïa ki ban khot bad kylli pyrthew ïa ka bad kala phla ïa katei ka kam pohjait pohrati kaba la leh da utei u kpa u bym don shuh ka jingïatiplem bad ka mynsiem briew.
La ïathuh ruh ba katei ka heprit kaba don sa lai ngut ki para kiba dang rit ka la hap ban pep skul noh shiteng por ban ri ban sumar ïa la ki para bad sah ryngkat bad utei u kpa, hadien ba ka kmie kala ieh noh ïa ki shiteng por.
Na ka liang ki bahaïing hasem katei ka heprit ki la leit ban ujor noh da ka ejahar hadien ka jingphla katei ka heprit bad ki pulit ka Ri Bhoi District ruh khlem da pynslem ki la leit ban kem noh ïa utei u kpa bad ka jingtohkit halor kane ka jingjia ka dang ïaid shakhmat.
