Shillong, Ïaïong 17
U Bah P.T Sawkmie, MLA barim u ong kaei ka jingeh ïa ka Sorkar ban ‘Scrap’ ne pyndam noh ïa ka projek Lumpongdeng haba ka sorkar da lade ka la dep ong ba yn ym shna eiei shuh ha Lumpongdeng, ka dewlynnong kaba don ha pung Umïam.
Shuh shuh ka Sorkar ka la dep ong ba ïa ka jingdawa jong ka Green Tech Foundation (GTF) la dep pynbeit lut baroh.
Nalorkata, ka Sorkar ka la dep ong ruh ba ka kloi ban pynmih ïa ka ‘White Paper’ halor kane ka mat.
U Bah Sawkmie u la pynpaw ruh ba kam myntoi ïa ka Sorkar ba kan kren shi kren namar ka GTF kam pdiang satia bad ki paidbah ruh kim pdiang.
“Kumta kaba biang eh ka long ban pynkut noh shisyndon bad ban tar noh ïa ka Memorandum of Understanding (MoU) bad ka kompeni,” bynrap u Bah Sawkmie.
