Shillong, Ïaïong 19
Ka Manipuri Elders’ Consortium Shillong (MECS) ha ka Sngi Saitjaiñ ka la pynlong ïa ka jingïakhih shong kyllaiñ mungor ba jar-jar kum ka jingpyrshah halor ka jingshah pynïap jong 2 ngut ki heprit ha ka jingjia ba dang shen ha Tronglaobi, Manipur ha ka 7 tarik Ïaïong.
Kane ka jingïakhih ba jai-jai ka long ban kynmaw burom ïa ki 2 ngut ki heprit bad ban ïeng ha syndah bad ka kmie jong ki kaba la mynsaw lem bad baroh kito kiba shah ktah na ka jingthombor.
Ka jingïalang ka la khot na bynta ka jingïatylli, ka jingpynïoh ïa ka hok, bad ka sur ba ïatylli na ka bynta ka jingsuk bad ka jinglong briew manbriew.
“(Ngi) pynrem ïa ka jingpynïap ïa 2 ngut ki heprit ba lui-lui ha ka jingshah thombor ba dang shen ha Manipur ha ka 7 tarik u Ïaïong, 2026,” ong ka President ka MECS, ka T.S. Leima ha ki nongthoh khubor hadien ka jingïakhih kaba la long Don Bosco Square, Laitumkhrah.
“Ngi la pynpaw ïa ka jingïatylli bad ngi ïeng ha syndah bad ki bahaïing hasem jong ki lanot bad ban kyrpad ïa ka Sorkar ban leh eiei noh kloi bad ban pynshitom ïa kito ki briew kiba la leh ïa kane ka kam runar,” ka la bynrap.
Haba ñiew ïa katei ka jingjia kum ka “jingjia kaba sngewsih kthang,” ka Leima ka la ong ba ka jingïakynad ha Manipur “ka long ka jingplied khmat ïa ka ri baroh kawei ba ki nongwan buhai shnong be-aiñ ki dei ka daw jong kum kine ki jait jingjia (kiba la jia) bad ka ri ka dei ban sngewthuh ba lada ngim lah ban tehlakam ïa ki nongwan buhai shnong be-aiñ, kata ym don jingkular ba kum kine kiei-kiei kin ym jia ruh ha kiwei-kiwei ki bynta jong ka ri.”
