Shillong, Ïaïong 20
Ha ka nohphai sngi jong ka 20 tarik u Ïaïong 2026, ka Khasi Students’ Union (KSU) Shillong Mihngi ka la leit ban khang tala ïa ka kamra jong ka Principal jong ka Institute of Hotel Management (IHM).
Haba kren sha ki lad pathai khubor u Samla Samuel Kharbani, nongïalam …Pule Sla 7
Khang tala ka KSU ïa ka ophis
ka KSU Shillong Mihngi u la ïathuh ba ka Principal ka la kren tohmet bad ka la beh kam ruh ïa ki Khasi kiba trei ha IHM. Ka seng ka la phah da ka jingthoh naduh ka 8 tarik mynta u bnai bad ha ka jingthmu ban ïakynduh, hynrei kane ka Principal kam ju don ha ophis, kumta ka la pynbitar ïa ka KSU da kaba shim ïa ka sienjam ban khangtala noh shisyndon, u la ong.
Shuh shuh u la ong ba lada ka Principal ka nud ban wan plie ïa u tala ba ki la khang, ka KSU kan sa shim da ki sienjam kiba tyngeh.
“Kane kam dei shuh ka sien kaba nyngkong ba ka Principal ka la kren tohmet bad beh kam ïa ki samla Khasi hynrei ka la jia ruh ha ki snem ba la dep, kaba ka pynbitar ïa ka KSU,” u la bynrap biang.
Na ka liang u Samla Celestine Lyngdoh Rynghang, Assistant Secretary KSU Shillong Mihngi, u la ong ba na ka por sha ka por ki Khasi ki ju ujor sha ka seng ba ki shah beh kam bad haba pyrshang ban ïakynduh katei ka Principal kam ju don ha ophis bad kam ju kwah ban ïakynduh, kumta ki la khangnoh da ka tala ïa ka ophis jong ka.
