Nongstoiñ, Ïaïong 21
Ka ‘erïong ha ryngkat u slap kala ther kynsan ha ki bynta jong ka sor Nongstoiñ ha kaba bun ki dieng, ki waiar ding ilektrik ki la hap.
Kane ka jingwan ka ‘erïong, ha ki bynta jong ka sor Nongstoiñ kala jia ha ka miet jong ka sngi Ba-ar ha kaba kala sdang ha ki por kumba 9 baje mynmiet.
Katto katne ki khubor bala ïoh lum la ong ba ha kane ka jingwan jong kane ka ‘erïong bad u slap kaba neh tang katto katne por kiba bun ki la jia ki jingjulor kum ka jinghap ki waiar ilektrik ha ka surok Nonbah sha Petrol Pump Upper New Nongstoiñ, ha ki bynta ka surok Mawkawah, nangta ka jingkhyllem jong ki dieng hajan jong ka thaiñ Nongstoiñ ha kaba ki briew kiba don ha katei ka jaka ha ryngkat ki pulit ki la ïa mih ban weng ïa ki dieng kaba la khang lynti ïa ka surok ka ban leit na Nonbah sha Pyndengrei. La don ruh ki katto katne ki kali arshaka kiba la shah ban na ka jingkyllem ki dieng.
Shuh shuh watla kane ka jingwan jong ka ‘erïong kaba jur kala ktah ha kiba bun ki jaka hynrei haduh ba thoh ïa kane ka khubor ym shym la ïoh jingtip la ki don ne em ki jingjulor ki ïing ki sem bad la don ne em ki jingmynsaw.
