Mairang, Ïaïong 22
Ka District Magistrate jong ka Eastern West Khasi Hills District ka la pynjari da ka kyndon aiñ 163 BNSS, 2023 ban pyrkhing ban nym shah pynlong ïa kino kino ki jingïakop khwai dohkha bad jingpynkhalai nusip ha ki pung ne nan kiba don ka jingjngai tang 1 KM na surok National Highway 44E.
Ka District Magistrate ha ka kyrwoh khubor kala ong ruh ba ïa kane ka aiñ la pynjari hadien ka jingjia dheng kali kaba la neh da ki lai bad saw kynta ha ki bynta jong ka Kynshi – Mawlangren kaba don harud ka surok National Highway 44E tang na ka daw jong ka jingpynïakop khwai dohkha bad lucky draw ba la pynlong ha katei ka jaka.
Shuh shuh kala ong ruh ba kane ka jingdheng kali ka la ktah bad pynthut ïa ka ïaid ka ïeng jong ki paidbah nongleit nongwan bad ruh ka la pynthut ïa ka jingïaid beit jong ki paidbah nongleit nongwan bad ruh ka la pynthut ïa ka jingïaid beit jong ki kali.
Ka District Magistrate kala pynpaw ruh ba na ka liang ki nongpynïaid ïa kum kine ki jingïakop kim shym la lah ban bud ryntih ïa ki kyndon ba la buh bad bthah ïa ki ban leh da ka ophis jong ka Deputy Commissioner, Eastern West Khasi Hills District bad dei halor kane la buh ïa ka jingpyrkhing ban nym shah ban pynlong ïa ka jingïakop khwai bad lucky draw ha kino-kino ki jaka kiba dang hap hapoh ka 1KM na ka surok bah.
Hynrei lada don kiwei pat kiba kwah ban ai jingmut bad pynbeit ha kaba ïadei bad kane hukum, ki lah ban leit mih sha ka ophis jong ka Deputy Commissioner, Eastern West Khasi Hills District.
