Shillong, Ïaïong 23
Ka Hynñiewtrep Integrated Territorial Organization (HITO) Mylliem Circle hapoh ka jingïalam u Bah Sylvester Kharjana ha ka 23 tarik u Ïaïong 2026, ka la beh krad ïa 10 ngut ki bar jylla kiba wan trei bylla ha Umshyrpi, Shillong khlem da biang ki kot ki sla.
Ka HITO ka la ïoh ka jingujor na ki paidbah ba la don ki bar jylla ba wan trei bylla khlem ki kot ki sla kiba biang bad mar mar ki la leit sha Umshyrpi bad ki la lap shisha ba ki don haduh 10 ngut ki bar jylla kiba wan trei khlem ki kot ki sla.
Ka HITO ka la phah leit biang ïa kitei ki bar jylla sha ka jaka ba ki wan.
Namarkata, ka seng ka la maham ruh ïa ki kontraktor haba ki wan ïalam ïa ki nongtrei kiba nabar ki dei ban pynbiang shuwa ïa ki kot ki sla ba biang kum ki Labour Licence bad Police Verification.
