Shillong, Ïaïong 23
U Superintendent of Police ka East Khasi Hills u Bah Vivek Syiem IPS, u la pyntip ba u briew u ba sdien phasi ha phyllaw ka thanad Laban u dei uba ithuh kum u Mithun Gurung (38 snem) ba sah ha Lower Lumparing.
U Bah Vivek u la ïathuh ba ha ka step jong ka sngi Palei ha ka por kumba hynriew shiteng eiei la don u briew u ba wan ban ïaid sharum shaneng shabar jong ka thanad Laban bad la ïohi ïa une u briew da u pulit (Home Guard Traffic), ba u tei u briew u la rung hapoh jong ka phyllaw jong ka thanad ha ka por 6.43 bad ha ka por 6.50 la lap pynban ba u la dep ban sdien phasi ha u nar pynïeng ka lama.
U Bah Vivek u la ïathuh ba ki pulit na ka FSL ryngkat ki heh ophisar mar-mar ki la poi ha katei ka jaka ban pyndep ïa kaba donkam ban leh bad ïa ka met jong utei u briew la pynkit noh sha North Eastern Indira Gandhi Regional Institute of Health & Medical Sciences (NEIGRIHMS) na ka bynta ban pyndep ïa ka post mortem bad ki pulit ki dang ap ïa ka kaiphod post mortem.
