Shillong, Ïaïong 29
Ha ka sngi Balang, la ïoh ban sakhi ïa kawei ka durkhih kaba la saphriang ha rynsan social media, kaba la pynsuhjer shibun, haba la ïohi ba uwei u khynnah skul u la ïoh pyllait im ïa iwei i khyllung da kaba khlong ïa ka khyndew kaba i la shah tep im.
Ha kane ka durkhih, la ïohi ba une u khynnah skul, u la ïoh ban pyllait im ïa i khunlung ba dang shu kha, bala suba jur ba la tep im ka kmie ha ka thaiñ Ri-Bhoi District.
Katkum ka durkhih bala saphriang ha ki rynsan social media, ka pyni ba utei u khynnah skul uba dang khlong ïa ka khyndew kaba la tap lup ïa i khunlung hapdeng ka jingïadonlang ki longkmie na shalyndet, kiba la batai ïa u kumno ban leh.
Kine ki longkmie kila batai ba un sei pynsted ïa ine i Khunlung na ka khyndew bad ban pynkhuid mar mar ïa ka khyndew kaba tap ïa ka durkhmat, ka khmut bad shyntur khnang ba in ïoh ring mynsiem.
Ïa ine i khunlung la rah noh wut wut sha ki jaka sumar kiba don marjan bad ki pulit kila hiar sha katei ka jaka ba lap na ka bynta ban pynlong ïa ka jingtohkit.
