Shillong, Ïaïong 29
U nongïasaid aiñ jong u Raj Kushwaha u samla ka Sonam Raghuvanshi, u la ong ba ki la dep ban ïasaid ha ka Kashari u District & Session Court Shillong ban ai jamin sa ïa u Raj u ba shah set along namar ka jingdonkti jong u ha ka ban ïasylla pynïap ïa u Raja Raghuvanshi ha u snem ba la dep.
Haba ïakren bad u P Yobin u wei na ki nongïasaid aiñ u ba mih khmat ban ïasaid na ka bynta u Raj Kushwaha, u la ïathuh ba ki dang ap ïa ka hukum na ka ïingbishar hadien ba ki la ïasaid na ka bynta ban pynlait jamin noh sa ïa u Raj. U la ïathuh ruh ba ki ïasaid bad pan jamin halor kijuh ki kyndon bad Section, ba la pyllait ïa ka Sonam.
Kum ban shu kdew ka jingpan jamin sa u Raj Kushwaha ka dei hadien ba ka Sonam Raghuvanshi kaba la kynnoh donkti ban pynïap ïa u kurim jong ka u Raja Raghuvanshi ka la ïoh jamin noh hynnin ka sngi Ba-ar.
Kum ban shu bynrap ka jingjia shah pynïap u Raja Raghuvanshi uba dei u kurim jong ka Sonam Raghuvanshi ka dei kaba la jia mynshem snem ha ka jingwankai sngewbha (Honeymoon) jongki ha Meghalaya bad u Raja u la shah pynïap noh ha Weisawdong, Sohra.
