Nongstoiñ, Ïaïong 29
U President ka Voice of the People Party (VPP) Sengkmie u Bah Ardent M Basaiawmoit u la ong kumba ki paidbah ki la kyrshan bad ai jingshaniah, um don jingartatien shuh ba ha u snem 2028, ïa ka Sorkar ba thymmai yn ïalam da ka VPP.
U Bah Ardent u la ong ruh ba ki paidbah ki skhem ka jingmut bad ki la rai ba ha u 2028 long katba long jia katba jia kin ailad noh ïa ka Voice of the People Party (VPP) ba kan lamkhmat ïa ka jingsynshar namar ki la ailad la katto ïa ka MDA kaba la kylla long ka MDA 1 bad MDA II, tharai kala biang tang ha ka II shuwa, yn shimti hi noh shwa ka VPP naduh u 2028.
Ïa kane na ka liang u Bah Ardent u la kren bad pynpaw ha ka jingïalang ai jingpynshai na ka bynta ka ilekshon MP shiteng samoi ïa kaba la pynlong ha Sieñduli ha West Khasi Hills.
U la ong ruh ba u bym sngewtynnad ïa u Bah Ardent ruh un ailad ïa ka VPP ha u 2028 bad sa ïa bishar naduh 2028 kumno ka synshar.
U Bah Ardent u la ong ruh ba u don ka jingngeit kaba skhem ba u paidbah uba la shaniah ha ka VPP naduh ha ka ilekshon MP haduh ka ilekshon MDC un dang shaniah bad ai ka jingkyrshan ba ka VPP kan synshar ïa kane ka Jylla naduh u 2028, ‘Ngam artatien,” u la ong.
Ha kawei pat ka liang u Bah Ardent u la ong, namar ba u shait leit rung ïew, mynta wat u Myntri Rangbah ka Jylla ruh u la leit rung ïew leit bam doh leit bam jadoh leit bam putharo, ki nang ban leit rung dei tang bala mih pyrthei ka VPP.
U la bynrap ruh da kaba ong, “Kumno ban pynkhlaiñ ïa ka pla tyngka jong ka Sorkar ngim nym pat ïathuh mynta ba ïoh ki ïoh buit noh kine ki MDA namar ki MDA ki shu peit beit aiu ka VPP ka leh, kin leh lang.
Shuh shuh u la ong ruh ba la jan ïoh 9 snem ba ki synshar ki dang tip ban leit ïaid ïew mynta, “Ko ki paidbah kine da slap ruh ki leit la ka leit khnang ba ki paidbah kin ïaroh hynrei ka dei tang ka jingbud pyrthuh ïa kaei kaba ngi, ngi la hikai.”
Ha kane ka jingïalang ha Sieñduli, West Khasi Hills nalor u Bah Ardent, la donlang u Bah Kitbor Syiem, MDC Nongkrem, Dr. Juristman Iawphniaw MDC ka Nongstoiñ, ki longkmie, ki dkhot ka VPP na ka CEC, na Mawthadraishan bad West Khasi Hills, ki riew rangbah na Mawshynrut bad West Khasi Hills District.
