Shillong, Ïaïong 30
Ha ka step sngi Palei ka 30 tarik u Ïaïong 2026 kawei ka pla ka la pynher syrngiew bad pynsyier mynsiem ïa ki paidbah nongleit nongwan lyngba ka surok na Polo sha Nongmynsong namar ka jingsuba ba don u bom ha ka Police Traffic Booth kaba don ha MES Point, Demseiñiong.
Ki pulit pynlip bomb lane Bomb Squad ha ryngkat ki ksew K9, tang mar ïa ïoh jingtip ïa kane ki la wanpoi mar-mar ha katei ka jaka ban pynlong ïa ka jingpeitbniah ïa katei ka pla, la ka dei ka pla ba don bom shisha ne em.
Ha ka jingpeitbniah ki pulit ïa kane ka pla ki la lah ban pynthikna ba khlem don satia u bom, hynrei katei ka pla kaba don hapoh katei ka Police Traffic Booth ka dei tang ka pla thep jaiñ bad khlem lah ban tip mano ba dei trai jong katei ka pla.
