Shillong, Ïaïong 30
Ka Meghalaya Joint Council of Trade Union & Association ka la shim ïa ka rai ban rakhe ïa ka MAY DAY ha ka 01 tarik u Jymmang 2026, (sngi Thohdieng) bad ka pyrthei baroh kawei, ban snohkti lang bad ka All India Trade Union Congress (AITUC) ha CPI building, Quinton Road Shillong.
Ki prokram ki long, ha por 11.30 mynstep, yn pynher ïa ka lama bad bud sa ka jingai burom da ki syntiew ban kynmaw ïa kiba la khlad.
Ha ka por 11.45 mynstep yn ïoh ka jingkren na ki Nongïalam ki Trade Union jong ki bynta bapher-bapher.
Ha ka por 12 baje shiteng sngi, kan ïaid sa ka May Day Declaration & Special Resolution ban wanrah da u General Secretary & Additional Secretary General Secretary, MJCTU&A.
Ka Meghalaya Joint Council of Trade Unions & Association (MJCTU&A) ka la kyrpad ïa baroh ki Union & Association ba kin ïa wan sha ka Central Flag Hoisting Programme jong ka MJCTU&A ha CPI (AITUC) Building ha ka por 11.30 mynstep.
