Shillong, Jymmang 03
Ki pulit jong ka East Khasi Hills ryngkat bad ka tnad Excise ha ka miet jong ka sngi Saitjaiñ kila pynlong kynsan ïa ka jingkhynra ïa ka jingdie kyiad beaiñ ha kylleng ka nongbah Shillong bad ïoh ban kurup haduh 600 liter eiei ka kyiad beaiñ.
Ïa kane ka jingkhynra la pynlong ha ka miet sngi Saitjaiñ ha ka thaiñ Polo, Stand Jeep bad Urkaliar bad la ïalam khmat ïa kane ka jingkhynra da u Additional Superintendent of Police ka East Khasi Hills Saurav Saini, IPS bad ka Deputy SP WCC Kong Jyoti Wahlang.
Ïa kane ka kyiad ba ïoh kurup la aiti noh sha ka tnad Excise ba kan leh ïa kaba donkam.
Ha kane ka jingkhynra, la ïohi lyngba ki dur khih kiba la paw ba ki la don katto katne ki longkmie kiba la ïather nia bad ki pulit ha ka por ba dang pynlong ka jingkhynra.
