Shillong, Jymmang 03
U Myntri Rangbah ka Jylla, u Conrad K Sangma u la ong, “Ngam kwah ba kren ei-ei halor ka jingbyrngem jong ka Voice of the People Party (VPP) lyngba u Bah Ardent Millar Basawiamoit, President, ban tur ïakhih sha Secretariat.
Ka jingbyrngem ka VPP bad ban wer ïa ki paidbah ban tur sha Secretariat, ka dei halor kiba bun ki mat, kiba ka VPP ka la pynsngew ha kiba bun ki jingïalang, ba lada ka Sorkar Jylla kam pynurlong ïa ki mat, kin sa leit tur sha Secretariat.
Haba kylli halor ka jingïakhih jong ka Voice of the People Party (VPP), ka seng kaba don ha ka Liang Pyrshah ha ïingdorbar thawaiñ, u Myntri Rangbah u la jubab ban ong, “Baroh ki don ïa ka hok ban dawa”.
U Myntri Rangbah u la ong, ba um don ei-ei ban kynthoh halor kane ka jingïakhih ka VPP, namar ba ka kam ka pyni kham bha ban ïa ka ktien.
“Ngam don ei-ei ban ong ne kynthoh halor ka jingïakhih bad dawa ka VPP,” la bynrap biang u Conrad K Sangma halor ka jingïakhih bad byrngem tur ka VPP sha Secretariat lada ki jingdawa kim urlong.
