Mawkyrwat, Jymmang 2026
Ki briew na ka shnong Rangdkhew ki la lap ïa kawei ka metïap na kawei ka jaka kaba tip kum ka Nohthiang harud ka wah Kynshi kaba dang hap hapoh ka shnong Rangdkhew ha South West Khasi Hills District.
Katkum ki tyllong khubor na ki pulit, la ïathuh ba ki pulit ha ka 3 tarik u Jymmang 2025 ki la ïoh jingtip na u Rangbah Shnong ka Rangdkhew halor katei ka jingjia bad wut – wut ki la leit sha katei ka jaka ha kaba ki la lap ïa ka metïap jong u Sendar Lyngdoh.
Ha ka jingtohkit ïa ka met, ki pulit ki la lap ba kam shym la don kano-kano ka jingshah leh dusmon bad katkum ka jingïathuh ki bahaïing hasem la ïathuh ba u Sendar Lyngdoh u dei u briew uba dih buaid bha, bym biang ka jingmut jingpyrkhat bad dei u briew ba jah miet lynter. Ha kaba ïadei bad katei ka jingjia, ki bahaïing hasem kim don satia kano-kano ka jingsuba sniew ïano-ïano bad ki la kyrpad ban pyllait ïa ka post mortem bad ïa ka metïap la aiti noh sha ki bahaïing bahasem ba kin pyndep ïa ka niam ka rukom.
