Shillong, Jymmang 06
Ka jingshah tuh jong ki kali arshaka ka la nangjur na kawei ka sngi sha kawei pat nalor kiwei pat ki kam tuh kam thiem kiba dang ïai bteng bad ïa kane lah ban sakhi na ki jingjia shah tuh kiba dang shen na kylleng ki bynta jong ka sor Shillong bad na kiwei ki jaka ruh kumjuh.
Katkum ka khubor na ki pulit la ong ba ka Angeliaca Nongrum ka la ai ka jingujor ba ha ka 2 tarik mynta u bnai, ki runar bym lah ban ithuh ki la tuh ïa ka arshaka jong ka, kaba don ïa u registration number ML05-AG-8016 na ka thaiñ Jail Road, Shillong.
Na ka liang jong u Khim Sunar ruh u la ai ka jingujor ba ha ka 3 tarik mynta u bnai ha ka por kumba 7 baje mynstep, ki runar bym lah ban ithuh ki la tuh ïa ka arshaka ka jong u, kaba don ïa u registration number ML05-AG-7502 na ka thaiñ Upper Mawprem, Shillong.
Kumjuh ruh na ka liang jong u Madhab W Sangma u la ai ka jingujor ba ha ka step jong ka 3 tarik mynta u bnai, ki runar bym lah ban ithuh ki la tuh ïa ka arshaka ka jong u, kaba don ïa u registration number ML05-AE-6231 najan ka ïingsah jong u, kaba don ha 1st MLP Bn., Mawiong, Shillong.
Ha kawei pat ka khubor, u Eliel Randall Rani u la ai ka jingujor ba ha ka 3 tarik mynta u bnai ha ka por kumba 8 baje mynstep, ki runar bym lah ban ithuh, ki la tuh ïa ka arshaka ka jong u, kaba don ïa u registration number ML05-Y-1246 na ka thaiñ Mawlai Nongkwar, Shillong.
Ha ka 3 tarik mynta u bnai, ha ka por kumba 3.50 mynsngi, u Bah Nangiaipyndap Thabah u la pyntip sha ki pulit ba ki runar bym lah ban ithuh, ki la prong tuh hapoh ka ïing jong u, kaba don ha Shilliang Dongki, Sohiong ha East Khasi Hills bad ban tuh kawei ka mobile phone bad ka pisa kaba long T.85,000/-.
Na ka liang jong u Silgrak R Marak u la ai ka jingujor ba ha ka 2 tarik mynta u bnai, ha ka por mynsngi eiei, ki runar bym lah ban ithuh, ki la tuh ïa ka arshaka ka jong u, kaba don ïa u registration number ML08-L-9383 na Na’jing Bazar ha Tura (WGH).
Kumjuh ruh na ka liang jong ka Ngaihungle Jeme ka la ai ka jingujor ba ha ka miet jong ka 30 tarik u bnai ba la lah, ki runar bym lah ban ithuh ki la tuh ïa ka arshaka jong ka, kaba don ïa u registration number ML05-AE-9785 na ka jaka sah jong ka, kaba don ha Demseiñïong, Shillong.
U Sukhdev Singh u la ai ka jingujor ba ha ka miet jong ka 1 tarik mynta u bnai, ki runar bym lah ban ithuh ki la tuh ïa ka arshaka ka jong u, kaba don ïa u registration number ML05-N-9599 na ka phyllaw jong ka jaka sah ka jong u, kaba don ha Goraline, Laitumkhrah, Shillong.
Ha ka 1 tarik mynta u bnai, ha ka por kumba 6.50 mynstep, u Lyngkorson Marbañiang u la pyntip ba ki runar bym lah ban ithuh ki la tuh ïa ka arshaka ka jong u, kaba don ïa u registration number ML05-AG-1952 na ka jaka sah ka jong u, ha Marbisu, Mawngap (EKH).
