Shillong, Nailur
Ka Iewshyllong Anglers for Restoration Conservation of Aquatic Life (IARCAL), ka kynhun ïatreilang ki rawon na Iewshyllong, Elaka Laitlyngkot, ka la pynlong da ka jingpynkhuid ïa shi lynter ka rud Wah Umïew.
Kane ka long kum ka sienjam, ban pynneh pynsah bad sumar ïa ka Mei-Mariang bad ki jingdon jingem sawdong sawkun.
Ym tang ba kadei ka kynhun kaba sngewtynnad ban khwai dohkha, hynrei ka IARCAL ka pyni da ki kam ba ka jingieid, ka jingsumar ïa ka wah kaba ki ju smat wan khwai, kadei kaba donkam khnang ban pynneh ïa ki doh-um doh-wah nalor ka jingsumar ïa ka Mei-Mariang.
Kane sienjam, kadei ruh ha ka jingïatreilang bad ka Dorbar Shnong Dong Ïewshyllong, Elaka Laitlyngkot.
Nalor ki rawon kiba la mih ryntih bad pynkhuid bad thang ïa ki niut na katei ka rud wah, la ïa donlang ruh da ki nongïalam ka IARCAL, ba kynthup ïa u Bah Sngewbhalang Shabong, President, u Bah Dapmaiñ Reenborn, Secretary bad u Bah Ryngkatlang Lyndem, Rangbah Shnong.
