Shillong, Risaw 18
Ki lai ngut ki MLA ka UDP ki lah ban leit pynïasoh noh sha ka seng National People’s Party hadien ba ki la leit ban pyntip sha u Lamphang ka Ïing Dorbar Thawain ka Jylla u Thomas Sangma.
Ki khubor ba la ïoh jingtip ba kine ki lai ngut ki MLA ka UDP ki long u bah Paul Lyngdoh u Mla na West constituency uba dei u working president UDP, Bah Renikton Lyngdoh na Mawkyrwat bad bah Nujorki Sungoh na Mowkaiaw constituency.
Kine ki khubor ki ïathuh ba lashai ka sngi Nyngkong kin leit ai da ka jingthoh sha u Lamphang ban pyntip ba kin mih noh na UDP ban leit pynïasoh sha ka NPP.
Ki khubor ki ïathuh ba kine ki lai ngut kín sa rung noh sha ka seng NPP ha ka 23 tarik mynta u bnai hadien ba u lamphang un ithuh ïa ki ba ki la mih na ka UDP.
Ki khubor ki ïathuh ba kine ki lai ngut ki la mut rung sha ka NPP hadien ba u Lamphang u la ithuh ïa ki phra ngut ki MLA ka UDP haba ki la rung sha ka seng BJP.
Kumban shu pynkynmaw ba ka UDP ka don 12 ngut ki MLA bad mynta yn sah satang marwei kata satang u President ka seng UDP bah Metbah Lyngdoh.
Ka jingmih ki 11 ngut ki MLA ka UDP ka lah ban ktah shibun ïa ka Seng ha ba ka la pynbna ïa ka kyrteng u kyrteng MP Lok Sabha u bah VGK Kynta.
