Nongstoiñ, Risaw 29
Uwei u samla uba la tip kyrteng kum u Lumlang Nongsiej, 29 snem ka rta uba dei u khun jong u Bah Oklistar Kharlyngdoh bad Kong Skelty Nongsiej na ka shnong Langja ha WKHD, u la jah rngai naduh ka 26 tarik u Risaw khlem lap dien shuh.
Ka khubor na ki bahaïing jong utei u samla, la ong ba ha ka 26 tarik utei u samla hadien ba la dep shim dawai na PHC Nonglang, u la phet hi na katei ka jaka sumar bad mih sha surok ban leit sha ka shnong Langja ha ka por 5 baje janmiet.
Ka khubor ka ong ruh ba halor kane ka jingjah jong utei u samla, na ka liang jong ki arliang kur kata ka kur Nongsiej bad kur Lyngdoh kila ïa wad ïa utei u samla naduh katei ka miet ryngkat ka jingïarap lang ki briew jong ka shnong Nonglang bad Langja hynrei ym shym la lap dien.
Shuh shuh la ong ruh ba na ka liang jong ki bahaïing hasem jong u kila leit ruh ban ujor sha Langpih BOP bad kila kyrpad ruh lada don ba ïohi ne don jingtip shaphang jong utei u samla, kin sngewbha ban phone ha kine ki number 8798730501, 9366617324, 8798553558, 8131828632.
