Shillong, Naiwieng 16
Ki pulit ka East Khasi Hills kila pynmih ïa ka jingkyrpad paidbah ba pan jingtip halor ka samla 23 snem kaba la jah na Shillong naduh ka 11 tarik Ïaïong, 2026.
Ka ophis u Superintendent of Police ka East Khasi Hills, kala pynpaw ba kane ka kynthei kaba jah ka kyrteng ka Baby Chettri.
Ki pulit ki ïathuh ba kane ka samla ka dei kaba don jingduna ha ka bor pyrkhat pyrdaiñ bad ka nang ban kren Hindi bad Nepali. Ha ka por ba ka jah, ka phong ïa ka sopti rong blue, jean rong ïong bad ka slipar rong jyrngam.
Ki pulit kila kyrpad ïa ki paidbah ba kin ai jingtip lada ki ïohi, kaba lah ban ïarap ïa ki pulit ban lapdien pat ïa ka.
Kino-kino kiba don jingtip ki lah ban phone ha thanad Madanrting ha u nombor 8732008884, Police Control Room ha u nombor 6009196479, lane ha ka Missing Desk (Crime Branch) ha u nombor 8837282114.

