Mumbai:
Ka Kareena Kapoor Khan ka la kren halor ka jingkwah jong ka ban ak phlim bad u Ryan Gosling ha kaba kane ka puron ka la kren shai ba kan ym don satia kano kano ka jingsngew salia ne jingsngew lehraiñ ban ak phlim bad utei u tyngshop naba ka tip ba u long u briew uba sngewtynnad ha ka ktien ka thylliej uba nang ban pynshutia bad uba nang ruh ban pyniadei bad kiba bun.
Kum ka puron ka Kareena ka sngew ba lada
ka lad ka lynti ka plie na ka bynta jong ka ban ak ha ki phlim Hollywood kan ym pynsepei satia ia kane bad kmen ruh ba mynta bun ki puron na Bolly wood kila iohlad ban bsuh kjat ha katei ka karkhana.
Ka Kareena ka ban sa kren ia ka bynta jong ka Black Widow ha ka phlim jong ka Marvel kaba yn dei ha ka ktien Hindi ka kmen ban ioh don bynta lang bad ka Hollywood.
Ha kawei na ki jingwan shim bynta ka Kareena ka la shah kylli jingkylli la ka don jingthmu ne em ban ak ha ki phlim Hollywood kane ka puron da ka khmat ba phuh samrkhie ka la ong ba lada ka lad ka lynti ka plie na ka bynta jong ka kan ym pynsepei satia ban ioh don bynta ha ki phlim Hollywood.
Shuh shuh ka Kareena ka la pynpaw ruh ia ka jingthrang jong ka ban ioh ak phlim lang bad u Ryan bad sin ia une u tyngshop kum uba kynsai bad uba tbit bad uba ka iapmat bad itynnad bha.
Kane ka puron wat lada ka la don bynta bad ka Bollywood la bun bun snem mynta pynban kam pat ju ioh ia ka lad ban ak ha ki phlim iashoh bad sngew ba nangne sha kh mat kan hap ban pyrkhat bha noh halor kane.
Haba iakren halor ki phlim ia ka Kareena ngin sa iohi ha kawei ka drama kaba direk da u Hansal Mehta bad kumjuh ruh ka la ak ha ka Suspect X kaba direk da u Sujoy Ghosh.
