Los Angeles: U Nongtem Lead ka kynhun Alter Bridge u Mark Tremonti ula ai burom ia u Eddie Van Halen da kaba ong ba u dei uwei na ki nongtem Guitar uba kynsai tam ha ka pyrthei ha kaba u Mark ula kren ia kane ha ka jingwan shim bynta ha kawei ka show.
U Mark ula kren ruh ba yn nym don mano mano ba lah ban tem Guitar kumba long u Eddie bad sngewsih ruh halor ka jingduhnoh ka pyrthei ia uwei na ki nongtem Guitar uba tbit.
U Mark ula kynmaw ia ka por ba ula iakynduh nyngkong eh ia u Eddie bad kane ka dei ruh ha Orlando ha kaba bun ki la sngewtynnad bad shah khring ha ka jingnang jong u ban tem ia ki sur bapher bapher lyngba ka Guitar.
Ka kynhun Alter Bridge hapoh ka jingialam u Mark kin sa leit ban shim bynta sha North America na ka bynta ka “Pawns & Kings” Tour bad la synran lang
ia kane da u Wolfgang Van Halen uba long u khun jong u Eddie Van Halen bad uba la long mynta uwei na ki nongtem Guitar ka Van Halen.
