Shillong,Rymphang:
Ka Love Supreme Jazz Festival ka long kawei na ki tamasa kaba la pynlong ha UK ha kaba kane ka tamasa ka dei kaba ju neh haduh 3 sngi bad la ju pynlong bha ia ka ha u bnai Naitung ha Glynde Place kaba don ha ki bynta ba shathie jong ka South Downs of East Sussex.
Ha kane ka tamasa la ju tem ia ki jingrwai Blues, Hip Hop bad kiwei kiwei bad ka Love Supreme la pynhap ha ki 5 tylli ki bynta kiba kynthup ruh ka R&B, Funk, Soul and Blues; The Big Top.Naduh ba la seng nyngkong eh ia ka ha u 2013 kane ka tamasa ka la khring ia kiba bun ki nongrwai kiba kynthup ruh u Hugh Masekela, Herbie Hancock, Ms. Lauryn Hill, Earth, Wind and Fire, Grace Jones, Van Morrison, Gladys Knight, Laura Mvula, Jamie Cullum, The Cinematic Orchestra, George Benson, Chick Corea, Steve Winwood, Nile Rodgers, Louie Vega, Esperanza Spalding, Elvis Costello, Brad Mehldau, Robert Glasper, Mahalia, Gregory Porter, Lianne La Havas, Tom Misch, Mavis Staples, Pharoah Sanders bad kiwei kiwei.Kham bun ki briew kiba wan ban peitkai ia kane ka tamasa ki dei ki samla kiba dang sngewtynnad ban shad bad ban leh kmen.Ia ka Love Supreme la pynmih da ka Neapolitan Music bad U-Live bad la seng da u Ciro Romano.
Ha u 2021 ia kane ka tamasa la pynlong ha ka 2 haduh 4 u Naitung bad la wan ban shim bynta da ka TLC, The Isley Brothers, Tom Misch & Yussef Dayes, Sister Sledge, Candi Staton, Nubya Garcia, Kokoroko, The Brand New Heavies, Cory Wong bad MF Robots.Ha u 2020 la hap ban pynsangeh ka jingpynlong ia ka na ka daw jong ka jingwan lynshop ka khlam. Ha u 2019 ha kane ka tamasa la wan ban shim bynta da ka Sampa The Great bad GoGo Penguin bad kumjuh ruh kiwei kiwei ki kynhun rwai.
Ha u 2018 kane ka tamasa ka dei kaba shongkun bha ha kaba la kynmaw burom ruh ia kito ki nongrwai kiba la khlad noh. Ha kajuh ka por ki nongrwai kiba la kham slem bad kiba la rim ki la wan ban shim bynta lang ha kane ka tamasa ban pynshongshit bad pynshongkun ia ka kumba ka dei ban long. Ha u 2017 baroh ki tiket sha kane ka tamasa la die lut ha kaba ha utei u snem ki nongwan shim bynta ki long ka Nao, Corinne Bailey Rae, George Benson, Kamasi Washington and St Paul & The Broken Bones bad kiwei kiwei. Ha u 2016 pat la shim bynta ha kane ka tamasa da ka Grace Jones bad ha utei u snem ruh ki la bun bha ki nongwan shim bynta.
Ha u 2015 la pynlong ia kane ka tamasa naduh ka 3 haduh ka 5 tarik u Naitung bad la wan rwai da ka Chaka Khan, Rag N’ Bone Man, Omar and Neneh Cherry. U Van Morrison ula pynkut ia kane ka tamasa ha u 2015 bad ha utei u snem ki la don ruh kumba katto katne ki nongwan shim bynta kiba kynthup ruh u Terence Blanchard, Jason Moran, Joshua Redman bad Hugh Masekela. Ha u 2013 kaba long ka snem bas dang nyngkong eh ia kane ka tamasa la wan ban shim bynta da ki kynhun rwai kiba na ki shnong bapher bapher ban ai mynsiem ia ki.
