Mumbai,Rymphang:
U tyngshop ka KGF u Yash un sa ak kum u Raavan ha ka phlim thymmai jong u Nitesh Tiwari ka Ramayana ha kaba ryngkat bad u ha kane ka phlim yn sa ak lang ruh da u Ranbir Kapoor.
U Yash uba la sin ruh kum u Rocky ula soi ia ka Ramayana kaba dei ka Epic ha kaba kane ka phlim ka dei kaba la dep pynkhreh mynta la kumba shisnem tam eiei bad mynta u snem lah ban sdang leit ring noh ia ka.
Ha ka Ramayana u Ranbir un ak ia ka bynta jong u Ram bad ha ka jingshisha u HR ula dei ban shim ia katei ka bynta hynrei na kiba bun ki daw ula hap ban mih noh na katei ka phlim.
Mynta u snem u Yash ula shah tyrwa haduh 5 tylli ki phlim thymmai bad ka Ramayana ka dei kawei napdeng kine.
U Yash um shim nud satia ban kyntait ia ka Ramayana naba u tip ba kane ka phlim kan sa long kaba itynnad bha naba yn shna ia ka katkum ka juk bad ka stai thymmai mynta.
Naduh u 2019 la pynbna ban shna phlim halor ka Ramayana bad u Madhu Mantena bad Nitesh Tiwari kin direk ia ka.
Naduh kaba sdang kine arngut ki la pyrshang khring ia u Yash ban ak ia ka bynta jong u Ravaan bad ki la lah ban pynurlong ia kane.
Ha ka jingshisha ia ka Ramayana la dei ban ak da u Hrithik Roshan hynrei na ki daw ki bym lah kiar une u tyngshop ula randien noh na kane ka phlim.
Ka jingkyntait u HR ban ak ia ka, ka la pynlong ia ki nongpynmih jong ka ne ka phlim ban tyrwa noh ia u Ranbir uba la mynjur ban soi ia ka.
Ha kaba iadei bad kane ka phlim yn pyn khreh ban sdang leit ring ha ki bnai lyiur mynta u snem bad kane ka phlim lah ban pynmih haduh u 2024.
Ka Ramayana kan dei ruh ka phlim kaba la shim na ka kot bakhuid jong ki Hindu.
