Mumbai:
U Sonu Nigam hadien ka jingshah thombor ha kawei ka concert kaba la long ha Mumbai ula leit ban ai ka jingujor ha kaba iadei bad kane sha ki pulit ha kaba une u nongrwai ula kynnoh ruh ba kane ka dei ka jingdonkti ne ka jingkynshoit jong ki nong saiñ pyrthei.
Katkum ki khubor ba la mih la iathuh ba dei u khun jong uwei na ki nongsaiñ pyrthei uba la sdang nyngkong eh ban pynmih ia ka kynrum kynram ha kaba ha katei ka jingjia u Sonu lem bad ka kynhun jong u ki la mynsaw na ka jingshah thombor.
Katba u Sonu u dang shim bynta ha ka Finale jong kawei ka tamasa kaba la pynlong ha ka shnong kaba u shong u sah kaba ha Chembur kynsan kynsan u khun jong uwei u MLA bad u pyrsa jong u kila wan ban thombor ia une u nongrwai ha rynsan tang na ka daw ba kim shim la iohlad ban shondur lang bad u.
La ong ba hadien jong katei ka jingshah shoh u Sonu lem bad ka kynhun jong u, ki nongap pahara kiba la ialeh ban khanglad ia kitei arngut ban shim kabu ki la shah shon lang pynban.
Ki khubor ki iathuh ba ki pulit ka Mumbai kila register ka Case ia kitei arngut bad la pynhap ruh hapoh ka Section 323, 341, 337 jong ka IPC.
Ka jingshah shoh jong u Sonu ka la pynlong ia kiba bun ki nongshong shnong ka Mumbai ban pynrem jur halor kane.
