Los Angeles:
Ka Warner Bros ka la shim ia ka rai ban shna ia ka bynta bathymmai jong ka ‘Lord of the Rings’ ha kaba ka jingiakren ha kaba iadei bad kane ka la iaid sha khmat bad ka ‘Lord of the Rings’ ka dei kaba la shim na ka kot kaba la thoh da u J.R.R. Tolkien.
Ha ka jingiakynduh lang ki heh ka Warner Bros bad u CEO jong ka Discovery u David Zaslav ka la mih ka jingiakren na ki hehduh ka Warner Bros halor ka rai ban pynmih bad shna sa ka bynta bathymmai jong ka ‘Lord of the Rings’.
Ha kajuh ka por ka Warner Bros ka la iathuh ruh ba ka la don ka jingiateh hapdeng kane ka kompani bad ka Swedish media company Embracer Group ha kaba iadei bad ka jingpynmih ia katei ka phlim ha ryngkat ka New Line Cinema.
Ka Lord of the Ring ka long ka phlim kaba itynnad bha bad kaba la kamai bha ha ka Box Office jong kiba bun ki ri ka pyrthei.
