Mumbai:
U Sidharth Malho tra ula kren halor ka jing angnud jong u ban ioh ak ha ki phlim Super hero ha kaba une u tyng shop nalor jong ka phlim Superhero u sng ew ba ki phlim jingieit ki dei ruh kiba long kyrpang bha na ka bynta ka jingim jong u.
U Sid ha kawei na ki interview ula kren halor ka jingthrang jong u ban ioh ak ha ki phlim Superhero bad kyrmen skhem ba kin sa don hi ki nongshna phlim ka Bollywood ki ban pyrkhat noh ha kaba kum kine ki jait phlim.
Une u tyngshop uba dang shu dep ban kyntiew kurim ia ka Kiara Advani ha ka 7 tarik mynta u bnai u sngew ba bun ki nongpeitkai ki angnud ban ioh peit ia ki phlim Superhero kiba la shna da ka Bollywood bad sngew ba ka por ka la biang ia ki nongshna phlim bad direktor ban pyrkhat noh ha kaba iadei bad kane.
U Sid uba la iohpdiang ia ka Dada saheb Phalke Award ha u snem ba la leit na ka bynta ka Shershaah ula kren ruh halor ki phlim jingieit da kaba ong ba kiba kum kine ki jait phlim ki iahap bha bad u bad sngew ruh ba dei ka phlim Shershaah kaba don ruh ia ka khana jingieit halor u Vikram Batra bad ka Dimple kaba la pyniakynduh bad pynshoh jingieit ia u ia ka Kiara.
Kum u tyngshop u Sid u sngew ba u donkam ban pynpher ruh ia ka rukom ak phlim jong u naba kane kan long na ka bynta ka jingmyntoi jong u hi hadien habud.
Haba iakren halor ki phlim thymmai ia u Sid ngin sa iohi ha ka Mission Majnu kaba ula ak lang bad ka Rashmika Mandanna. Kumjuh ruh ula ak ha ka Indian Police Force kaba direk da u Rohit Shetty bad kumjuh ruh ha ka Yodha kaba yn pyllait paidbah ha ka 7 tarik u Naitung.
