Mumbai:
Ka Kareena Kapoor Khan wat lada ka la ioh ban ak ia ki bynta bapher bapher ha ki phlim pynban ka la kyntait ban ak ha ki phlim ia shoh ha kaba katkum ka jing sngew ka Kareena ki phlim iashoh kim iahap bad kim biang satia na ka bynta jong ka.
Kane ka puron kaba la don 22 snem ha ka kam ak phlim wat lada ka la shah tyrwa ban ak ha ki phlim iashoh pynban kam ju treh ban ak ia ki bad sngew ba kine ki phlim kim khring satia ia ka. Ha kajuh ka por ka Kareena ka la kren ruh ba bunsien ka ju shah kylli jingkylli balei ba kam ju ak ia ki phlim iashoh bad ka jubab ba ka la ai sha kiba bun ka dei ba kam sngew don mon.Kham bunsien hi ka Kareena ka sngewtynnad ban ak ia ki phlim shutia ne ki phlim jingieit kiba ka ju shah iaroh bha.
Katba dang iaid ki snem ka Kareena ka la sdang kiar ruh na ki phlim jingieit bad kwah ban ak da kiwei kiwei pat ki bynta bad ong ba ka por kam iahap shuh ia ka ban ak ha kiba kum kitei ki jait phlim.
