London:
U Niall Horan u la pynbna ba ka thup jingrwai ba thymmai jong u yn pynmih bad pyllait paidbah ha u bnai Jylliew ha kaba une u nongrwai ula pynbna ia kane lyngba ka Instagram.
U Niall uba dei ruh u dkhot barim ka One Direction ula iathuh ba ka kyrteng jong kane ka thup jingrwai thymmai ka dei ‘The Show,’ kaba yn pynmih ha ka 9 tarik u Jylliew.
Ha kaba iadei bad kane ka thup jing rwai u Niall ula pynpaw ka jingsngew kmen bakhraw ban ioh pynmih noh ia ka ha kine ki bnai ban wan bad ap khmih lynti bha ia kane.
Katkum kawei na ki lad pathai khubor kane ka thup jingrwai thymmai u Niall ka dei ruh kaba la mih hadien jong ka Heartbreak Weather kaba la pyllait paidbah ha u 2020.
Ha shwa jong kane ka thup jingrwai u Niall ula pynmih ruh ia ka Flicker kaba la pyllait paidbah ha u 2017 kaba la khring ia kiba bun ki nongsngap bad riewieit jingrwai.
