Los Angeles:
U Spike Lee ba dei u direktor u la pynpaw ia ka jingsngewsih bad jingsngew bitar halor ka jingbym ioh rah ka Beyonce ia ka Album of the Year ha ka Grammy ha kaba naduh ba ka Beyonce ka la ioh rah ia ka Grammy na ka bynta kiba bun ki kyrdan ha ki snem ba la leit pynban kam pat ju iohrah shisien ruh ia ka Album of the Year.
U Spike Lee uba long uwei na ki nongkyrshan ka Beyonce u dang khmih lynti bad kyrmen skhem ba kane ka nongrwai mynta u snem kan iohnoh ban rah ia ka Album of the Year hynrei kane kam shim long kam.
Ka jingbym iohrah ka Beyonce ia ka Album of the Year ka la pynlong ia u Spike Lee ban tharai bad mutdur ba lehse ka don ka jingthut ne jingbakla hangne hangtai.
Lah 4 sien ka Beyon ce kala shah jied ban iakhun na ka bynta katei ka kyrdan hynrei shisien ruh kam pat ju iohrah ia ka.
Ha u 2017 ka Beyonce ka la duh ban rah ia ka Album of the Year sha ka Adele bad ha u 2015 sha ka Beck bad ha u 2010 sha ka Taylor Swift.
Ha ka jingsngew ba shimet jong u Spike naduh ki por bad snem ba la leit ki nongrwai dohiong kim ju ioh satia ban rah ia ka Album of the Year wat lada ki don kumba katto katne ki thup jingrwai kiba sngew tynnad bha kiba la mih.
Mynta u snem ka Beyonce ka la duh ban rah ia ka Album of the Year sha u Harry Styles bad ka long ruh ka nong rwai kaba la ioh ban pdiang haduh 32 tylli Grammy ha ka jingim jong ka ha kaba kane ka long ruh hadien jong u Georg Solti.
