Mumbai:
Ka Deepika Padukone kaba la ak lang bad u SRK ha ka Pathaan ka la kren halor ka jingsngewsuk mynsiem jong une u tyngshop ha kine ki sngi bad por ba mynta ha kaba ka daw ka dei hadien ba ka phlim ba u ak ka la khring ia ki nongpeitkai bad u sngewkmen shisha halor kane.
Ka Deepika kaba la ak lang bad u SRK ha ka Om Shanti Om bad kiwei kiwei ki phlim ka dap da ka jingkmen haba ka iohi biang ia ka jingsuk ka mynsiem jong u SRK ha kine ki por ba mynta bad ong ba kane baroh ka dei namar ka jingieit kaba u ioh na ki paidbah.
U SRK um shim poi pyrkhat ba ka Pathaan kan long kawei na ki Blockbuster Film bad sngew ba ka jingtrei shitom jong u bad baroh ki dkhot ka dei kawei kaba la pynlong ia kane ka phlim kaba jop.
Haba iakren halor ki phlim ia ka Deepika ngin sa iohi ruh ha ka Project K bad kumjuh ruh ka Fighter bad kan sa ak ruh bad u Ajay Devgn ha ka Singham 3. Kane ka puron nalor ki phlim Bollywood kan sa ak ruh ha ki phlim Hollywood kiba ka la shah tyrwa.
