London:
U Guy Ritchie u la angnud ban shna sa ka bynta ba-ar jong ka phlim Aladdin ha kaba une u direktor jong ki katto katne ki phlim ba itynnad u la shim ia ka rai ba lada ka lad ka lynti ka plie na ka bynta jong u, u kloi ban shna bad pynmih sa ka bynta ba-ar jong ka.
Une u direktor uba long ha kajuh ka por u nongshna phlim uba la 54 snem u sngew ba lada shna sa ka bynta ba-ar jong ka Aladdin u tip shai ba kane long kaba itynnad bad ha kajuh ka por kaba khring ruh ia ki nongpeitkai.
Ha ka jingiakren bad ki nongthoh khubor u Guy ula phla ba katno ka long kaba sngewtynnad na ka bynta jong u ban ioh shna Live ia ki phlim ka Disney.
U Guy u sngew ba nalor ka bynta ba-ar jong ka Aladdin u thrang ruh ban shna Live sa ia ki katto katne ki phlim jong ka Disney kiba la ioh jingiaroh na kiba bun ki nongpeitkai ha kine ki snem ba la leit.
Ha kajuh ka por une u nongshna phlim ula iohpdiang khusnam ruh halor ki katto katne ki phlim jong u.
