Los Angeles:
U Liam Neeson ula kyntait ban ak ia ka phlim James Bond ha ki snem ba la leit ha kaba ka kurim jong u ka Natasha Richardson ka la khang ia u ban soi ia katei ka phlim naba ka tip ba ka long kaba eh bad khia bha bad ha kajuh ka por une u tyngshop un nym don por shuh ban peit ia ki khun ki kti bad ka iing ka sem.
Katkum kawei na ki lad pathai khubor jong ka Hollywood la iathuh ba u Liam ula shah tyrwa ban ak kum u James Bond ha kaba une u tyngshop tang na ka daw jong ka kurim um shim la nud ban soi ia ka. Ha kajuh ka por la iathuh ba u Liam u thrang shisha ban ioh ak kum u James Bond hynrei um lah ban leh eiei naba ka kurim kam kwah ia u ban ak ia katei ka bynta bad byrngem ruh ia u.
Shuh shuh ki khubor ki iathuh ba ka kurim u Liam ka la byrngem ia u ba lada u soi jubor ia katei ka phlim ka kloi ban iehnoh syndon ia u bad la ki jong khun ki kti. Hadien ka jingbym treh u Liam ban ak ia ka, kane ka bynta ka la leit noh sha u Daniel Craig.
Ha kawei na ki interview u Liam ula phla ba ka Barbara Broccoli ka la wan tyrwa ia u la bunsien ia ka bynta jong u James Bond bad ula kyntait beit ia ka wat lada la tyrwa ia u ia ka dor kaba heh.
U Liam um shim don kano kano ka jingsngew babe halor ka jingkyntait jong u ia katei ka phlim bad ong ba ula leh ia kane na ka bynta ka jingbha jong ka iing ka sem.
Kum u tyngshop u Liam wat lada um shim treh ban ak kum u James Bond pynban ula iohlad pat ban ak ia kiwei kiwei ki bynta ha ki phlim kaba long ka jingmyntoi bad ka jingiohnong bakhraw ia ka jingim jong u.
