Mumbai:
Ka Kiara Advani kaba dang shu dep ban shongkurim ia u Sidharth Malhotra kan sa wan ban shim bynta ha ka sien nyngkong ha ka Women’s Premiere League ha kaba ia kane ka Premiere League yn pynlong naduh ka 4 tarik mynta u bnai.
Ka Kiara kaba la paw bha ha ka kam ak phlim katba dang iaid ki snem ka la khring ia kiba bun da ka sap ba kyrpang ba ka don bad dei ruh kane ka jingdon sap jong ka ba ka la shah khot ban wan shim bynta ha kiba bun ki show bad ki tamasa.
Ka Women’s Premiere League yn pynlong ha Mumbai ha kaba ka jingia leh kai banyngkong eh kan dei hapdeng ka Mumbai In dians bad Gujarat Giants.
Katkum ka khubor ba la ioh ka Kiara kan shad ia ki katto katne ki jingrwai ba paw bha jong ka ban pynshongshit ia ki nongwan peitkai.
Haba iakren halor ki phlim ia ka Kiara ngin sa iohi ha ka Satyaprem Ki Katha kaba la ak lang bad u Kartik Aaryan bad shim bynta ruh ha ka RC 15 bad u Ram Charan.
